President i Zgjedhur dhe ish-kryetari i LSI-së, Ilir Meta, në takimin elektoral përmbyllës në qarkun e Durrësit e paralajmëroi hapur kryeministrin Edi Rama kur i tha se do pësojë më keq se Berisha, një humbje të paparë.
“Le të vijë vërdallë me autobusin e administratës, është i pashpresë. Do ta pësojë më rëndë se në ‘94 kur ai miku im bëri referendum për ta marrë gjithë pushtetet për vete”,- tha Meta.
Meta tha se “mesazhin e parë sot e kam për të rinjtë. Forca bashkë këto 72 orë që ta fitojmë bashkë. Në këto zgjedhje nuk ka garë me humbësit me frikacakë që dridhen nga vota e lirë.
Më 25 qershor ka vetëm një garë, mes LSI-ve të Durrësit, Tiranës dhe Fierit. Sot mund t’ju njoftojë me përgjegjësinë dhe kënaqësi të madhe, se LSI është forcë e parë në Tiranë në Durrës edhe në Fier.
Nuk po flasim për Gjirokastrën, ku Tomi dhe Xherri duan të lënë pa votuar minoritetin grek. Nuk po flasim as për Beratin”.
Gjithashtu, në këtë miting kryetari i LSI-së, Petrit Vasili tha se “jemi forcë e parë më 25 qershor. LSI ka një plan për Shqipërinë. Ne do të krijojmë 100 mijë vende pune për të rinjtë. Ju nuk do të zhvateni më për xhepat e oligarkëve”
