Ish-kreu i Lëvizjes Socialiste për Integrim dhe njëherësh presidenti i zgjedhur Ilir Meta, po i druhet gjithnjë e më shumë një koalicioni paszgjedhor midis kryeministrit Edi Rama dhe kryedemokratit Lulzim Basha që mund të shënojë edhe eliminimin e tij politik.
“Rama me Bashën janë takuar fshehurazi shumë herë. Dua të theksoj se qëndrimet e mia, të cilat i kam shprehur edhe komunikimet me Bashën edhe me Berishën. Basha dhe Rama po bëjnë një lojë personale me njëri-tjetrin, dhe për njëri-tjetrin”, u shpreh Meta.
Meta la të kuptohet se pakti Rama-Basha po përbën një kërcënim real për ekzistencën e tij politike, duke përmendur edhe takimet e mëparshme në Vjenë dhe në Utreht të Holandës. Këto takime duket se kanë qenë përcaktuese edhe për paktin e 18-majit midis Ramës dhe Bashës, gjë e cila ka vënë në alarm ish-kreun e LSI-së.
