Presidenti i vendit Ilir Meta ka publikuar videon ku tregohet se si u përdor kreu i KED-së Ardian Dvorani, i cili akuzohet se ka shpërdoruar detyrën. Dvorani cilësohet si përgjegjësi kryesor për mosfunksionimin e Gjykatës Kushtetuese.
Kësaj here, kreu i shtetit ka zgjedhur që videon e publikuar dy ditë më parë, ta publikojë edhe në anglisht.
Në videon e shpërndarë theksohet se arsyeja e mosngritjes është bllokimi i funksionimit të KED për dy vite, me synim që në krye të saj të ishte Ardian Dvorani.
“Të dashur miq,
Me kërkesën tuaj po e publikoj dhe në anglisht spotin e parë në mbrojtje të Kushtetutës dhe integritetit të Gjykatës Kushtetuese.
Mbrojtja e Integritetit të Gjykatës Kushtetuese, DETYRË MBI DETYRAT!”, shkruan Meta.
https://www.facebook.com/ilirmetazyrtar/videos/595695431241289/?t=1
Më 19 nëntor, Meta nënshkroi kallëzimin penal me akuzën për “shpërdorim detyre” ndaj kreut të Këshillit të Emërimeve në Drejtësi, Ardian Dvorani, duke e cilësuar këtë padi si një mundësi historike për Reformën në Drejtësi.
