Presidenti i vendit Ilir Meta ka zhvilluar ditën e sotme një takim të fundit me ambasadorin austriak në vendin tonë, Johann Sattler, i cili ka përfunduar detyrën.
Në takimin e mbajtur, Meta i ka shprehur diplomatit mirënjohjen për kontributin e tij dhe angazhimin e palodhur në forcimin e marrëdhënieve të shkëlqyera mes dy vendeve.
“Ishte kënaqësi e veçantë të falenderoja ambasadorin e Austrisë, z.Johann Sattler në përfundim të detyrës së tij, për angazhimin e palodhur për forcimin e gjithanshëm të marrëdhënieve të shkëlqyera midis dy vendeve tona. Nuk mungoi dhe një falenderim i posaçëm për promovimin që ambasadori Sattler u bëri maleve të Shqipërisë, ndërsa aktivitetet kulturore ishin mbresëlënëse si asnjëherë më parë”, shprehet Meta.
