Presidenti i Republikës, Ilir Meta priti në njjë takim kryetarin në detyrë Partisë Demokratike të Kosovës, Enver Hoxhaj.
Sipas Metës, Kosovën dhe të gjithë shqiptarët në rajon i presin sfida të reja dhe jo të lehta, në Vitin e Ri, që po vjen.
Kreu i shtetit apelon për unitet dhe mençuri në qëndrimet e dy vendeve tona për të forcuar sa më shumë bashkëpunimin në të gjitha fushat.
”Kënaqësi të prisja sot në një takim, Kryetarin në detyrë të Partisë Demokratike të Kosovës, z.Enver Hoxhaj dhe delegacionin, që e shoqëronte.
Kosovën dhe të gjithë shqiptarët në rajon i presin sfida të reja dhe jo të lehta, në Vitin e Ri, që po vjen. Duhet të jemi në unitet, të kujdesshëm dhe të tregojmë mençuri në qëndrimet tona për të forcuar sa më shumë bashkëpunimin në të gjitha fushat, në të mirë të interesit kombëtar, progresit, begatisë dhe së ardhmes sonë të përbashkët europiane.’’, shkruan Meta në rrjetin social, Facebook.
