Presidenti i zgjedhur i Republikës, Ilir Meta, është shprehur kreu i qeverisë, Edi Rama dhe kreu i opozitës, Lulzim Basha, kanë pritur që LSI të bënte lëvizjen e saj për të joshur njërin prej tyre, por kjo gjë nuk ka ndodhur.
Meta ka rrëfyer në studion e “Opinion” ditën e sotme se ai ka pasur një takim me kreun e PD-së, Lulzim Basha gjatë kohës që qëndronte në çadër. Meta tregoi për herë të parë se çfarë ka biseduar me kreun e opozitës.
“Për çështjen e drogës ke të drejtë se janë problem i madh për vendin. Bashës i thash mos prit që LSI të dalë në çadër, po dolëm ne, nuk ka më vend për ty sepse ne nuk dalim me 500 vetë në çadër. Mos prit nga unë që në parlament të dal kundra Ramës se unë me atë jam në koalicion. Ti ke të drejtë që të kërkosh disa gjëra të pranueshme. I kam thënë të gjithëve se Shqipëria nuk mund të bëjë zgjedhje përtej 9 shtatorit. Zgjedhjet shtyhen vetëm kur jemi në gjendje luftë. I kam thënë Bashës që ke të drejtë që të kërkosh garanci për zgjedhjet. Për çështjet e mëdha kam thënë që mund të mblidhemi të pestë dhe mund që të zgjidhim situatën në vend. Bashës i kam thënë që ty vetëm unë dhe Doris Pack të mbështesim. I kam thënë Bashës që do i bëjë kërkesë PPE-së që të vij për zgjidhjen e situatës politike në vend. Unë kam bërë kërkesë që ë vijnë ndërkombëtarët për zgjidhjen e situatës. Takimi im me Bashën ishte para se të vinte McAllister në vend. I kam thanë Ramës dhe Bashës që të krijohen koalicionet parazgjedhore. Nuk kisha arsye pse të bëja publik takimin me Bashën. Rama dhe Basha janë takuar vetëm disa herë më parë.”
Sipas Metës, çdo lëvizje që ai ka bërë ë ka bërë për të mirën e shqiptarëve dhe jo për hesap te PS-së së Ramës apo PD-së së Bashës.
“Qëndrimet e mia kanë pasur vetëm një qëllim, për të qenë sa më korrekt me të huajt dhe tu jepnim mundësi shqiptarëve. Zoti Rama dy orë para se të shkojnë në tryezë kish deklaruar që nuk do futej në zgjedhje por ai ndryshoi qëndrim menjëherë. Ata kanë të drejtë të jenë të pakënaqur me mua, se Basha ka pritur që unë të futem në çadër . Ndërsa Rama ka dashur të hyja në çadër. Për këtë Arsye ta kanë të drejtë të jenë të pakënaqur me mua.Por nuk kam pasur asnjë synim për të bërë bashkëpunime pasi po të dilte njëri nga çadra do hynte tjetri. Nuk kam pasur asnjë kontakt me Bashën por një kontakt me Berishën por jo për marrëveshjen, me Ramën jam takuar por nuk kemi biseduar ndonjë gjë. Për mua kishte shumë rëndësi që të hynte në zgjedhje Partia Demokratike sepse vendi do kishte një mundësi”,-tha Meta.
