Presidenti i Republikës, Ilir Meta, ka përkujtuar protestën e parë antikomuniste në Shqipëri.
Meta shprehet se ishte e para protestë me e fuqishme në vend, kur të rinjtë e Kavajës, marshuan rrugëve të qytetit me thirrjet “Lironi shokët tanë”, “Poshtë Diktatura”.
Ndër të tjera, Kreu i Shteti u shpreh se protesta është zemra e demokracisë, për ata që nesër nuk duan të zgjohen në diktaturë.
”Si në çdo 26 mars, përkujtojmë sot protestën e parë më të fuqishme antikomuniste në Shqipëri, pas dekadash terrori, shtypje dhe izolimi. E para protestë, kur të rinjtë e Kavajës, marshuan rrugëve të qytetit me thirrjet “Lironi shokët tanë”, “Poshtë Diktatura”, “Liri-Demokraci”.
Kryengritja antikomuniste e Kavajës është një mesazh i gjallë për rininë shqiptare, që sot përballet me të keqen, që ka marrë peng të ardhmen europiane të Shqipërisë. Protesta është zemra e demokracisë për ata që nesër nuk duan të zgjohen në diktaturë!’’, shkruan Meta në rrjetin social, Facebook.
