Kreu i Shtetit, Ilir Meta, ka reaguar sërish, duke paralajmëruar kryeministrin Rama se shumë shpejt do i dalë e vërteta në shesh. “Shumë shpejt e vërteta do t’i shkërmoqë haurin e korrupsionit dhe kotecin e gënjeshtrave”, shkruan presidenti Meta.
Pak më herët, zëdhënësi i tij njoftoi se Meta do të mbajë pasditen e sotme një konferencë për shtyp, gjatë së cilës njofton se do të jetë i hapur për pyetje. Në një postim, kreu i shtetit njofton ndjekësit e tij në mediat sociale se në respekt të tyre por edhe të delegatëve të Kongresit të PS-së, do të flasë sot në konferencë në përgjigje ndaj atyre që i cilëson si “shpifje të programuara nga Organizata Kriminale e inceneratorëve”.
