Presidenti i Republikës, Ilir Meta i ftuar në forumin “Biseda për tranzicionin”, ka zbuluar detaje nga e shkuara e tij dhe hapat e parë në politikë.
Kreu i shtetit tha se qëllimi i tij ishte të ecte më tej me formimin si ekonomist, akademik dhe madje pas vitit 1992 bëri përpjekje për t’u shkëputur nga politika.
Meta u shpreh se nuk kishte për qëllim të bëhej as politikan e as President.
Ilir Meta: ”Më ’93, ishte populli i Skraparit i vetmi që votoi majtas. Më ndihmoi të bëhem më popullor, dhe më pas me burgosjen e Fatos Nanos, u bëra nënkryetar i PS, kjo më dha më shumë fizibilitet, dhe mundësi për të qenë më aktiv. Ajo që dua të bëj me dije, s’kam pasur ndërmend të bëhem politikan apo President. Qëllimi im ishte të ecja më tej me formimin si ekonomist, formimin akademik madje edhe një përpjekje pas ’92, kur u bëra dhe deputeti më i ri, bëra përpjekje për t’u larguar. Dhe kjo ishte kontrata ime me PS pasi nuk pranonte njeri të kandidonte aty. Kisha qëllim të bëja shkollën, por kur hyn në valle s’del dot më, dhe ja ku jemi.”
