Presidenti i sapozgjedhur, Ilir Meta tha sot se ai është i gatshëm që të japë dorëheqjen nga posti i presidentit nëse kreu i LSI-së, Petrit Vasili zgjidhet kryeministër më 25 qershor. Ai vuri në dukje se do ta ndëmarrë një veprim të tillë në përgjigje të të gjitha atyre që pretendojnë se LSI ka përfituar shumë nga pushteti dhe bashkëqeverisja me Edi Ramën.
“Pjesa e LSI-së ka qenë e papërfillshme në tepsinë e pushtetit. Tepsinë dërgojani Jovan Bregut (Edi Rama). Sa i përket këtij hallit të madh që keni se një parti politike merr të gjitha pushtetet atëherë unë jap dorëheqjen nga President nëse Vasili bëhet kryeministër më 25 qershor”, u shpreh Meta në emisionin “Fiks Fare”.
Ai iu përgjigj edhe deklaratës së kreut të grupit parlamentar të PS-së Gramoz Ruçit, sipas të cilit Meta do të jetë presidenti i parë që do të shkarkohet me votat e deputetëve në Kuvendin e ri. “Ruçi nuk do ta ketë kënaqësinë që të votojë kundër shkarkimit tim si president sepse nuk e kam vënë unë të 9-tin në Fier.”
