Presidenti i vendit, Ilir Meta ka deklaruar se i ka dërguar një letër Aleancës për Mbrojtjen e Teatrit, në të cilën konfirmon mbështetjen e tij të plotë për mbrojtjen e godinës kundër shembjes.
Përmes një postimi në rrjetin e tij social “Facebook”, Meta shkruan se suporton aplikimin e Aleancës drejtuar organizatës prestigjioze “Europa Nostra”, ndërsa ka publikuar edhe deklaratën e kryeministrit Rama në vitin 2000, i cili asokohe mbante postin e ministrit të Kulturës.
“Dëgjoni ju lutem kryeministrin aktual, z.Rama se si e konfirmonte këtë fakt në vitin 2000, kur shërbente me devocion të jashtëzakonshëm si ministër Kulture, në qeverinë që unë drejtoja”, shkruan Meta.
https://www.facebook.com/ilirmetazyrtar/videos/343188466592482/?t=1
Postimi i Metës
Të dashur miq!
Po ju njoh me faktin se dje i kam dërguar një letër Aleancës për Mbrojtjen e Teatrit Kombëtar, për të konfirmuar mbështetjen time në aplikimin e saj drejtuar organizatës prestigjoze “Europa Nostra” për mbrojtjen e kompleksit të Teatrit Kombëtar dhe Teatrit Kombëtar Eksperimental.
Po kështu të gjitha qëndrimet e mia në mbrojtje të trashëgimisë historike e kulturore të Tiranës, kanë qenë dhe janë në koherencë të plotë për këtë çështje prej 20 vitesh.
Dëgjoni ju lutem kryeministrin aktual, z.Rama se si e konfirmonte këtë fakt në vitin 2000, kur shërbente me devocion të jashtëzakonshëm si ministër Kulture, në qeverinë që unë drejtoja.
