Presidenti Ilir Meta ka shpallur “non grata” ambasadorin e OSBE në Tiranë, Bernd Borchadt. Në dokumentin që i drejtohet Zyrës së Asamblesë Parlamentare të OSBE në Kopenhagen, Zyrës së Prezencës së OSBE në Tiranë dhe Drejtorisë së Protokollit të Shtetit të MEPJ në Tiranë, Meta sqaron arsyet.
Kreu i Shtetit, në dokumentin që zotëron “Vizion Plus”, thotë se drejtuesi i zyrës së OSBE në Shqipëri, nuk është më i mirëpritur në Presidencë për dy arsye. E para, sepse Borchardt vuri në diskutim Dekretin e Presidentit për zgjedhjet vendore në Shqiperi në qershor 2019. Dhe e dyta, sepse i tregoi publikisht gishtin qytetarëve shqiptarë.
U tregoi gishtin e mesit, gratë e Astirit i bëjnë të papriturën ambasadorit
Një muaj më parë, ambasadori i OSBE bër një veprim mjaft të turpshëm kundrejt banorëve të Unazës së Re. Teksa këta të fundit së bashku me mbështetës të opozitës po qëndronin përpara Drejtorisë së Policisë së Tiranës, në mbështetje të banorëve të arrestuar bashkë me ish-deputetin Klevis Balliu, ambasadori i ka përshëndetur me një gjest të turpshëm.
Në momentin që banorët thërrisin “Rama ik”, ambasadori u ka treguar gishtin e mesit. Pas këtij gjesti, një protestë u mbajt kundër ambasadorit, gjatë një aktiviteti mbi mediat të zhvilluar pikërisht nga OSBE.
Gratë e Astirit i prishin konferencën Borchard-it, Manjani publikon pamjet
“Kthehu në shtëpi dhe merr gishtin e mesit me vete”, “Non grata”, ishin disa nga pankartat e protestuesve.
Protesta ndodhi gjatë Forumit për Zhvillimin e Medias. Ky eveniment, i organizuar nga përfaqësia e OSBE në vendin tonë, ka për qëllim lehtësimin e dialogut profesional për disa tema të rëndësishme të medias shqiptare.
Gjesti i turpshëm i Bernd Borchardt, reagon Këshilli i Ambasadorëve Shqiptarë
