Presidenti i Republikës, Ilir Meta përsëriti thirrjen e tij se kushdo që do të tentojë të prekë votën e lirë, do të ndëshkohet.
Nga Durrësi, ku prezantoi nismën ”Denonco krimin zgjedhor”, Meta u shpreh se pas 25 prillit duhet të ketë qeveria frikë nga populli.
Ndër të tjera, Kreu i Shtetit u shpreh se presidenca është e hapur të bashkëpunojë me subjektet garuese për çdo fenomen negativ.
Ilir Meta: ”Kushdo që tento të prekë votën e lirë do të ketë ndëshkim spektakolar, siç e meriton, pasi është armik i shqiptarëve. Vjedhja e votës na ka bërë që të jemi mbrapa dhe të mbetemi peng i çeljes së negociatave. Pas 25 prillit të ketë frikë qeveria nga populli. Presidenti është i hapur dhe i vendosur që të bashkëpunojë me të gjitha subjektet garuese me institucionet përgjegjëse dhe të gjithë ato që janë të interesuar që kanë mbarëvjatje, pasi çdo fenomen negativ të hetohet brenda një afati sa më të shpejtë.
Jam i palëkundur se ne të gjithë bashkë do të mund të hapim një faqe të re që do të vijën për 100 vite në Shqipëri. Dy gjera nuk mund të preken vota e lirë e barabartë dhe kushtetuta. në këtë nisëm duam të shpëtojmë të ardhmen e demokracisë në Shqipëri dhe të ardhmen drejt BE-së.’’
