Përfaqësuesja e Federatës së mjekëve shqiptarë në Evropë, Elona Meta deklaroi se një ndër arsyet pse ndodh korrupsioni në sistemin shëndetësor, janë pagat e ulëta të mjekëve në vendin tonë.
Deklarata e Metës u bë ditën e sotme në një intervistë për RTV Ora. Sipas saj, me rroga të tilla si 400 apo 500 euro, është e pamunudur për mjekët që të përballojnë kostot e jetesës.
Ndër të tjera, Meta u shpreh se ajo së bashku me disa mjekë të diasporës kanë firmosur një kërkesë që paga e një mjeku të sapodiplomuar, të jetë së paku 1500 euro.
Elona Meta: Kyçi që çon në korrupsion mjekët janë pagat e ulëta, 400-500 euro. Shpenzimet mujore të një personi në muaj janë 400 euro dhe si mund ta përballojë dikush familjen me kaq para. Synimi është që të shkojmë drejt standardeve evropiane, prandaj nuk mund të pranohet një rrogë e tillë. Mjeku në këto vite po jeton me një rrogë minimale. Ne kemi edhe mbështetje nga mjekët shqiptarë në diasporë. Unë vetë jam larguar në një vend të huaj, gjë e cila ishte e vështirë.
Ne si mjekë të diasporës ke firmosur një kërkesë që rroga e mjekut të sapodiplomuar të jetë së paku 1500 euro. Ne nuk jemi dakord me ligjërimin e bakshishit pasi është kundra normave dhe parimeve të profesionit. Ne i mëshojmë faktit të rritjet se pagave, sepse korrupsioni dhe ryshfeti është një gjë e dënueshme. Ne jemi të vendosur që t’i shkojmë deri në fund kësaj gjëje dhe shpresojmë që kuvendi e qeveria ta ndërmarrë këtë hap.
