Presidenti Ilir Meta bën me dije se Këshilli Rajonal i Abrucos ka votuar sot për njohjen e arbërishtes si gjuhë zyrtare të pakicave në këtë rajon të Italisë.
Përmes një postimi në Facebook, Meta i shpreh mirënjohjen kryetarit të Bashkisë Arbëreshe të Villa Badessa, Simone Ballozo që inkurajoi dhe mbështeti konkretizimin e këtij vendimi.
Sipas kreut të shtetit, ky vendim forcon edhe më shumë marrëdhëniet mes Shqipërisë dhe Italisë.
Postimi i plotë:
Me kënaqësi të madhe mora vesh lajmin se Këshilli Rajonal i Abrucos votoi sot njohjen e arbërishtes si gjuhë zyrtare të pakicave në këtë rajon të Italisë.
Mirënjohje Kryetarit të Bashkisë Arbëreshe të Villa Badessa, z.Simone Ballozo që inkurajoi dhe mbështeti konkretizimin e këtij vendimi tepër të rëndësishëm, që i forcon edhe më shumë marrëdhëniet e shkëlqyera të Shqipërisë me Italinë.
Është me rëndësi që trashëgimia e jashtëzakonshme kulturore arbëreshe, kjo pasuri e përbashkët e dy vendeve dhe popujve tanë, të mbrohet dhe promovohet.
Gjuha arbëreshe që flitet prej shekujsh duhet të vazhdojë të jetojë, ndaj ne mirëpresimin njohjen e saj si gjuhë zyrtare të pakicave edhe në rajonet e tjera të Italisë ku jetojnë arbëreshët. ??❤️??
