Presidenti i Republikës, Ilir Meta inisiston në respektimin e marrëveshjes së 5 qershorit.
Në komunikimin e përjavshëm me gazetarët në presidencë, Meta tha se çështja mund të kthehet edhe në referendum.
Ilir Meta: “Presidenti është pro marrëveshjes për 5 qershorin. Të gjithë duhet të reflektojnë dhe të mos e kthejmë në një referendum. Do të jetë më i madhi që kanë bërë shqiptarët që nga Skënderbeu dhe këtë gjë nuk e ndal dot askush. Të bëhen pjesë të gjithë e kohës së humbur dhe të mos shkojmë në referendum. Siç ka bërë dhe heroi ynë kombëtar”.
Kreu i Shtetit u shpreh se do bëjë çdo gjë që kjo marrëveshje të respektohet.
Madje, ai tha se ka plane pafund për të garantuar që Shqipëria të mos bjerë në një humnerë.
Ilir Meta: “Presidenti do të bëjë çdo gjë të që të respektohet 5 qershori. Ata do të vendosin me kokëfortësinë e tyre ta cojnë Shqipërinë në referendum patjetër. Presidenti është me të gjithë popullin shqiptar. Presidenti ka plane pa fund për të garantuar që Shqipëria të mos bjerë në një humnerë ku po e shtyjnë prej kohësh forcat antishqiptare“.
https://www.facebook.com/ilirmetazyrtar/videos/382444453127081/
