Ditën e djeshme Kreu i Shtetit Ilir Meta bëri lëvizjen e radhës për të ulur në tryezë mazhorancën dhe opozitën. Mirëpo si duket edhe kësaj here ata nuk do bëhen bashkë. Kryeministri Edi Rama mohoi në formë kategorike ftesën e kreut të Shtetit, Ilir Meta me arsyetimin se është i zënë me fushatën elektorale të zgjedhjeve të 30 qershorit.
Ndërsa nga ana tjetër, kreu i PD-së Lulzim Basha e ka pranuar ftesën dhe pritet që sot në orën 9:00 të zhvillojë një takim në ambientet e Presidencës me Metën.
Ndërkohë, ky i fundit është treguar mjaft i përpiktë duke shkuar në ambientet e Presidencës që në orën 05:00 të mëngjesit, duke i qëndruar kështu besnik orarit.
Reagimi i presidencës:
Reagim i zëdhënësit të Presidentit, z.Tedi Blushi Presidenti i Republikës Sh.T.Z Ilir Meta i ka ftuar zyrtarisht në takim kryetarin e Partisë Socialiste dhe kryetarin e Partisë Demokratike për të biseduar për situatën politike në vend. Takimi me z.Basha është fiksuar të zhvillohet nesër në ora 09:00. Duke qenë në dijeni që z.Rama është i zënë me takime, Presidenti do të jetë nesër në zyrë nga ora 05:00 deri në ora 13:00 duke pritur sërish që kryeministri të gjejë kohë.
Video e publikuar nga “balkanweb”.
