Gjykata e Tiranës dënon me 100 orë punë publike futbollistin e Tiranës, Winful Cobbinah. Ky vendim është marrë për shkak të falsifikimit të lejes së qëndrimit, në vendin tonë. Ai u dënua me 4 muaj burg, por gjykata zëvendësoi burgun me dënimin alternativ me 100 orë punë në interes të publikut.
Cobbinah, ditë më parë “futi në sherr” mazhorancën me Presidencën, pasi dhënia e nënshtetësisë për 8 orë nga Meta për lojtarin e Tiranës, u konsiderua nga socialistët si shkelje e ligjit.
Cobbinah e ka marrë nënshtetësinë në emër të interesit kombëtar, duke e përjashtuar nga plotësimi i të gjitha kritereve, përfshirë këtu edhe gjuhën shqipe.
Ndonëse ishte në akuzë për falsifikim të lejes së qëndrimit, presidenti Ilir Meta në shkelje flagrante të ligjit i dha atij nënshtetësinë, me një procedurë të përshpejtuar, pa kryer verifikimet e duhura. E duke thelluar kështu skandalin me dhënien e nënshtetësisë.
