Meta ka ngritur sërish shqetësimin për shqiptarët e karantinuar që vijnë nga jashtë shtetit, ndërsa ka apeluar për masa më të plota. Në konferencën për mediat, presidenti Meta ka bërë me dije se Kavalishenca e Durrësit ka kushte optimale, dhe ia lë në dorë Ministrisë së Shëndetësisë të vendosë kush do të karantinohet aty.
“Shteti shqiptar duhet t’i mbahet detyrimeve të shtetasve që duan të kthehen. Kemi pasur disa vështirësi në këtë drejtim.
Qeveria ka marrë disa masa, ku besoj se duhet të marrë dhe më shumë për të garantuar karantinimin në mjediset që do të vlerësohet. Kjo dhe në varësi të rrethanave gjeografike, nga vijnë apo paraqiten në kufirin, për në Republikën e Shqipërisë.
Duhet bërë edhe më shumë, shpresoj në ditët në vijim të merren masa më të plotë. Nuk mund të them ku të vendosen, por kushtet në Kavalishencë janë optimale. Kush trajtohet atje”, tha Meta.
