Ilir Meta e ka mbyllur mandatin si President me vizitë në Kosovë. Ai ka paralajmëruar rikthimin e tij në politikë. Meta ka premtuar nga Kosova se sapo të lërë detyrën e Presidentit në 24 korrik, do të bëjë më shumë për Kosovën. Në konferencën për shtyp me homologen Vjosa Osmani, u shpreh se nëse do të kishte më pak probleme në Shqipëri, do të bënte më shumë për Kosovën.
Të dielën Bajram Begaj merr detyrën si President i Shqipërisë. Kuvendi do të mblidhet në seancë në orën 18:00 dhe do ta drejtohet nga kryetarja e Kuvendit, Lindita Nikolla. Pas leximit të formulës së betimit, Begaj do të betohet para deputetëve dhe do të mbajë një fjalë përshëndetëse.
Ceremonia e dytë e parashikuar në orën 19:30 do të zhvillohet në ambientet e Presidencës, aty ku bëhet dorëzimi i detyrës nga Presidenti aktual, Ilir Meta, tek Presidenti i ri Begaj.
