Presidenti Ilir Meta ka dekretuar ditën e sotme ligjin për “Për një shtesë në ligjin nr. 7703, datë 11.5.1993, ‘Për sigurimet shoqërore në Republikën e Shqipërisë’, të ndryshuar”.
Në njoftimin e Presidencës thuhet se Meta mbështet këtë nismë, që synon rritjen e vlerësimit të kontributit të dhënë ndër vite nga sportistët. Kështu sportistëve iu njihet e drejta për të përfituar një pension të posaçëm.
DEKRET PËR SHPALLJE LIGJI
Në mbështetje të nenit 84, pika 1 dhe nenit 93 të Kushtetutës,
Dekretoj
Shpalljen e ligjit nr. 65/2020 “Për një shtesë në ligjin nr. 7703, datë 11.5.1993, ‘Për sigurimet shoqërore në Republikën e Shqipërisë’, të ndryshuar”.
Nr. Dekretit 11497
Tiranë, më 02.06.2020
PRESIDENTI I REPUBLIKËS
ILIR META
