Ministrja e Shtetit Për Marrëdhëniet me Parlamentin, Elisa Spiropali ka reaguar pas caktimit të datës së re të zgjedhjeve lokale nga presidenti Meta.
Përmes një postimi në “Twitter”, Spiropali shkruan se KQZ, KZAZ dhe vetë Kolegji Zgjedhor e kanë thëne fjalën e tyre, që zgjedhjet të zhvillohen më 30 qershor.
“Ta pyesë dikush Qametën kush do t’i organizojë zgjedhjet e 13 tetorit, se KQZ, KZAZ dhe vetë Kolegji Zgjedhor e kanë thënë fjalën e tyre? Se s’po pyesim si do ia bëjmë me BE dhe Amerikën, sepse Haxhiut të Dytë i mjafton Luli me Monikën”, deklaroi ministrja.
Kujtojmë se Ilir Meta përgjatë një konference për shtyp, njoftoi se ka caktuar 13 tetorin si datën e re të zgjedhjeve vendore.
