Ish-kryetari i LSI-së, Ilir Meta ka sulmuar nga qyeti i Shkodrës, Edi Ramën dhe Lulzim Bashën duke i quajtur karagjozë.
Meta, gjatë një takimi me të rinjtë e këtij qyteti, është shprehur se vota e qytetarëve për LSI-in është votë kundër të pabesëve dhe kundër oligarkisë.
“S’ka më kohë për të humbur me Tomin dhe me Xherrin, se socialistët dhe demokratët kanë vetëm një adresë, LSI-në. Forcë e parë se çdo demokrat në Shkodër midis Ramës dhe Petrit Vasilit zgjedh Vasilin për kryeministër, se çdo socialist mes Bashës dhë Vasilit zgjedh Vasilin për kryeministrër. Se Shkodra dhe gjithë Shqipëria ua piu lëngun Tomit dhe Xherrit. S’ka më kohë Shkodra dhe Shqipëria për të humbur me këta karagjozë.
S’ka më kohë rinia e Shkodrës dhe Shqipërisë për tu besuar të pabesëve” tha Meta.
Sipas tij, qytetarët e Shkodrës kanë pasur dhe do të kenë një kontribut të veçantë për demokracinë e Shqipërisë dhe për këtë arsye ata nuk do zhgënjejnë me votën e tyre.
LSI prezantoi sot kandidatët për deputetë në një takim entuziast në Shkodër.
