Lionel Messi ka rinovuar kontratën me Barcelonën, duke e rinovuar atë deri në moshën 34-vjeçare. Pas këtij rinovimi ylli argjentinas është ngjitur në majën e futbollistëve më të paguar, duke përfituar 48 milion euro në sezon.
Në fakt, manovra që PSG-ja bëri në verë me Neymar kishte edhe vullnetin e brazilianit, ndërkohë që për argjentinasin historia është krejt ndryshe. Messi, prej kohësh është shprehur qartë se nuk ka ndërmend të largohet nga klubi që e rriti, por ajo që ishte e pashmangshme ishte vlera financiare, me të cilën Barça do të paguante shërbimet e tij. E klubi katalanas nuk tutet përpara asnjë çmimi: 48 milionë euro në sezon dhe 700 milionë euro klauzola e prishjes së kontratës. Me këtë manovër, Messi bëhet futbollisti më i paguar në botë, duke kaluar me 10 milionë euro edhe agjentinasin Tevez, ndërkohë që do të jetë pjesë e Barçës deri në moshën 34-vjeçare.
Por cilët janë futbollistët më të paguar në botë?
Lionel Messi, 48 mln euro në sezon te Barcelona, klauzola e prishjes së kontratës 700 milionë euro.
Carlos Tevez, 38 mln euro në sezon te Shanghai Shenhua, klauzola e prishjes së kontratës e paparashikuar.
Neymar Jr., 30 mln euro në sezon te PSG, klauzola e prishjes së kontratës e paparashikuar.
Oscar, 25 mln euro në sezon te Shanghai SIPG, klauzola e prishjes së kontratës e paparashikuar.
Cristiano Ronaldo, 24 mln euro në sezon te Real Madrid, klauzola e prishjes së kontratës 1 mld euro.
Hulk, 24 mln euro në sezon te Shanghai SIPG, klauzola e prishjës së kontratës e paparashikuar.
