Edhe pse ende nuk është zyrtare, Zhoao Mario po konsiderohet nga të gjithë si lojtari më i ri i Lokomotivës së Moskës.Thuhet se mesfushori ka mbërritur në Rusi dhe sipas asaj që shkruan “Sky Sport”, lojtari ka zhvilluar vizitat mjekësore mëngjesin e sotëm me skuadrën e re.
26-vjeçari ka kaluar në kampionatin rus, si huazim me të drejtën e blerjes një sezon më vonë dhe gjithashtu Lokomotiva e Moskës do të paguajë të gjithë pagën e lojtarin, e cila është 3.5 milionë euro në sezon. Kujtojmë se Portugezi u transferua te zikaltërit në 2016-ën, por në asnjë moment nuk ka bindur me paraqitjet e tij dhe për këtë arsye drejtuesit vendosën ta largojnë.
Zhoao Mario tani do të nisë një aventurë të re larg Serisë A, me shpresën se do të arrijë formën e dikurshme që kishte te Sportingu i Lisbonës.
