573 emigrantë të grumbulluar nga anija e shpëtimit ‘Ocean Viking’ në Mesdhe zbarkuan në Itali.
Të gjithë lanë anijen të shtunën në mbrëmje, në portin italian të Augustas sipas organizatës SOS Mediterranee që administron anijen. Së pari, të premten, të miturit dhe njerëzit që kishin nevojë për kujdes specifik mjekësor ishin të parët u lejuan të dilnin në breg. Autoritetet italiane kanë urdhëruar një karantinë 10-ditore për ekuipazhin e Ocean Viking. Anija kishte kërkuar një port të sigurt prej ditësh pasi shpëtoi emigrantët në një seri operacionesh në Mesdheun qendror.
Sipas SOS Mediterranee, varka kreu gjashtë misione shpëtimi për të shpëtuar emigrantë anijet e të cilëve ishin gati në mbytje në ujërat malteze dhe libiane.
Ocean Viking ishte së fundmi anija e vetme midis disa organizatave jo-shtetërore që operonin misione shpëtimi në det, pasi anijet e tjera janë mbajtur në port ose janë duke u përgatitur për misionet e ardhshme.
Sipas Kombeve të Bashkuara, më shumë se 740 migrantë u mbytën në Mesdhe këtë vit.
