Në Irak ditën e djeshme është mbajtur “Festivali i Filmit”. Në këtë të fundit morën pjesë 154 filma nga 78 shtete të botës dhe aktori shqiptar Viktor Zhusti është vlerësuar me çmimin e rëndësishëm.
Në “Slemani International Film Festival”, Viktori u shpall si aktori më i mirë. Ai u vlerësua për rolin e tij në filmin shqiptar “Delegacioni”. Në këtë film Viktor Zhusti interpreton personazhin kryesor, që është një intelektual i burgosur, që nuk pranon lojën e pushtetit, por preferon sakrificën në vend që të kthehet në vegël të tyre.
