Katër shtetasit çekë që u kapën dje në zonën e ndaluar të uzinës së Poliçanit, janë lënë të lirë nga policia. Ata do të hetohen në gjendje të lirë.
Gjykata ka vendosur që ata të hetohen në gjendje të lirë, për shkelje të perimetrit të sigurisë. Gjatë marrjes në pyetje, ata kanë pretenduar se janë turistë dhe se kanë ngatërruar rrugën duke përfunduar brenda në tunel.
Tashmë do të jetë prokuroria e Beratit që do të vijojë hetimet ndaj tyre në gjendje të lirë.
Policia ngriti dyshimet, se ata po fotografonin ambientet e uzinës së armëve duke qenë se të shtunën mbrëma u krijua një tjetër precedent ku dy rusë dhe një ukrainas tentuan të futen në uzinën e armëve në Gramsh.
Ata sulmuan ushtarët e vendosur për të ruajtur këtë objekt, dhe kjo është një indicie që ka shtyrë autoritetet të hetojnë ndaj tyre për përfshirje në spiunazh.
