Këshilli i Lartë Gjyqësor ka vendosur që duke nisur nga data 27 prill të fillojë puna e sistemit gjyqësor në të gjithë vendin.
Prej më shumë se 1 muaji, sistemi gjyqësor në Shqipëri është “paralizuar” në kuadër të masave të marra për frenimin e përhapjes së koronavirusit.
“KLGJ vendos rifillimin e veprimtarisë dhe shërbimeve gjyqësore në të gjitha gjykatat e Republikës së Shqipërisë, më datë 27.04.2020. Ngarkohen këshillat dhe kryetarët në detyrë të gjykatave për marrjen e masave për rifillimin e veprimtarisë dhe shërbimeve gjyqësore, në përputhje dhe respektim të masave për kufizimin e përhapjes së COVID-19”, thuhet në vendimin, që hyn në fuqi menjëherë.
Kujtojmë se më 27 prill, veç sistemit gjyqësor fillojnë punën edhe një pjesë e bizneseve, lista e të cilave është publikuar në faqen e e-albania.
