Një mjet tip “Benz” është përfshirë nga flakët sot në Durrës. Burimet bëjnë me dije se makina është në pronësi të vëllait të ish-presidentit Bujar Nishani, Ilir Nishani.
Mjeti tip “Benz” ka marrë flakë, si pasojë e një shkëndije elektrike.
Fatmirësisht nuk raportohet për të lënduar, por vetëm dëme materiale.
Grupi hetimor ndodhet në vendngjarje, dhe po punon për zbardhjen e plotë të rastit.
Njoftimi i policisë:
Më datë 31.10.2020, rreth orës 10:10, në lagjen nr.12, Durrës, ka marrë flakë në ecje mjeti tip “Benz”, me drejtues shtetasin I. N., 48 vjeç, nga e cila ka vetëm dëme materiale.
Nga hetimet paraprake dyshohet se mjeti ka marrë flakë nga një shkëndijë elektrike.
Grupi hetimor ndodhet në vendngjarje dhe po punon për zbardhjen e plotë të ngjarjes.
