Një shqiptar 45-vjeçar ka humbur jetën në Greqi. Ai është përfshirë në një aksident gjatë punës në një magazinë. Ngjarja e rëndë ka ndodhur në Volos të Greqisë. Shqiptari që punonte si saldator së bashku me dy persona të tjerë në depot e kompanisë se frigoriferëve “Aleksopulu” është djegur në zjarrin e madh që përfshiu papritur ndërtesën. Ngjarja e rëndë ndodhi sot në mesditë.
“Sipas hetimeve të para, gjatë saldimit morën flake muret e frigoriferëve te vjetër, duke u përhapur menjëherë në gjithë ndërtesën. Ndërsa dy punëtorët e tjerë arritën të largohen, 45-vjeçari nga Shqipëria u gjend i djegur nga zjarrfikësit pranë shkallës së brendshme. Për shuarjen e zjarrit janë dashur 18 makina dhe 44 zjarrfikës, ndërkohë demet janë shume te mëdha, pasi flaka lëshoi dhe helme toksike, të cilat mund dhe të jenë arsyeja që viktima nuk arriti të largohet në kohe”-shkruan BW.
Helmet kanë mbajtur larg dhe mjekun ligjor e ambulancën, të cilët vetëm pasdite vonë janë afruar e kanë identifikuar viktimën. Nesër do te bëhet autopsia e viktimës, babait të tre fëmijëve të vegjël dhe banonte prej vitesh në Alikës të Volos.
