Nga Shkodra, kryeministri Rama është tallur me kërkesat e kryedemokratit Basha, duke i kujtuar se zgjedhjet do bëhen. Ai i është rikthyer të gjithë tentativave të opozitës, nga hedhja e vezëve, bojës, miellit. Po kështu edhe heqja e çizmes nga ana e kryetares së LSI-së, Monika Kryemadhi.
Duke folur për zgjedhjet e 30 qershorit, kryeministri Rama tha se kush guxon të pengojë procesin e votimit, do shkojë në burg. Ai shtoi se pavarësisht Bashës e Kryemadhit, zgjedhjet do mbahen në 30 qershor dhe populli do vendosë me votë.
“Me gurë nëpër xhepa, me miell. Pazar. Tjetër historia, me bojë, çizmet i kishin të veshme. Ne nuk vijmë më këtu, vijnë rrinë tek gardhi. Thonë pse na hidhni gaz lotsjellës. Ai gaz për atë punë është, të lotosh, s’është për te qesh.
A mund të ketë realisht dinjitet familja e demokratëve të shkodrës, ku lufton me kapsolla, me fishekzjarre. Si mund të vijë puna që të lyesh shtyllat me graso, që mos të hypë opozita mbi shtylla. Dalin e thonë mos bë batuta. Të paktat humori na ndihmon të themi gjërat serioze. Ne këtu ishim dhe dy vjet si sot Luli mu fut në çadër. E kisha aty tek puna. E kisha poshtë penxheres tek puna. Dilte këndonte hymnin që në mëngjes, mblidhte ata turistet që i mblidhte Voltana, vinte pasditja, i fuste një të kënduar hymnit e ikte”.
“Sa i jam lut Lulit, nuk i jam lut të gjithë njerëzve bashkë në jetën time. Mori gjithçka kërkoi. Une i thash hajde voto Vetingun, dhe kush humb-humb dhe kush fiton-fiton. Ministrinë e Brendshme, Drejtësisë, Financave. Po jo se ka shumë mësues, Ministrisë së Arsimit. Po ka shume infermierë, mere dhe Ministrinë e Shëndetësisë. Meri dhe pincat, meri dhe burgjet, mere dhe ALUZNI-n, mere dhe Hipotekën. Çfarë do tjetër? Mere dhe KQZ, shumicën e ke ti. Çfarë do tjetër Lul, vetëm mua mos më kërko se jam i martum”.
