Pas, takimit që ka zhvilloi me Jean-Claude Juncker, Presidenti i Serbisë Aleksandar Vuçiç, është takuar edhe me kancelarin gjermane Angela Merkel. Presidenti serb ka pasur, një fillim javë mjaft intensive, pasi nga të dy figurat e rëndësishme të bllokut evropian mori konfirmimin se mbështetja për Serbinë në rrugën e saj drejt BE-së, por vetëm nëse zgjidh problemet me Kosovën.
“Negociatat e anëtarësimit mund të jenë të suksesshme nëse vazhdojnë reformat në fushën e sundimit të ligjit dhe normalizohen marrëdhëniet me Kosovën. Me Kosovën duhet të ketë një marrëveshje kontraktuale”, deklaroi Merkel.
Kujtojmë, se Gjermania është një prej vendeve të cilat e kanë kërkuar hapur që Serbia ta pranojë pavarësinë e Kosovës dhe që në kuadër të procesit të dialogut në Bruksel të nënshkruhet një marrëveshje gjithëpërfshirëse dhe juridike për normalizimin e raporteve Prishtinë-Beograd.
Ndërsa, nga ana tjetër Vuçiç nuk i ka fshehur kancelares problemet me të cilat po përballet Serbia, duke theksuar se vendi i tij është gati për një zgjidhje nga e cila të dyja palët të humbasin diçka.
“Serbia nuk mund të jetë humbësja e vetme”, deklaroi ai në konferencën e përbashkët dhënë pas takimit të tyre në Berlin. Por, ndërsa kreu i shtetit serb lëshon sinjale kompromisi, ministri i tij i Jashtëm, Ivica Daçiç vazhdon përpjekjet për minimin e njohjeve të pavarësisë së Kosovës dhe së fundi ka pritur një delegacion të Çekisë nga Partia Socialdemokrate pas iniciativës së kësaj partie për nënshkrimin e peticionit i cili parashikon që njohja e bërë Kosovës prej këtij vendi, të tërhiqet. TIRANA TODAY
