Kancelarja gjermane, Angela Merkel, u zotua se vendi do të rrisë ritmin e një programi mbarëkombëtar të vaksinimit kundër koronavirusit.
“Ka qenë një fillim i ngadaltë. Disa qindra mijë njerëz janë vaksinuar dhe numri po rritet çdo ditë, ritmi do të rritet.”, tha Merkel.
Sipas statistikave të fundit nga Instituti për sëmundjet infektive Robert Koch, afërsisht gjysmë milioni njerëz kanë marrë dozën e parë të vaksinës, mesatarisht rreth 40,000 vaksinime të kryera në ditë në vendin me rreth 83 milionë banorë, shkruan agjencia DPA.
Qeveria është vënë nën presion për të rritur shpejtësinë dhe për të porositur më shumë vaksina nga Pfizer dhe BioNTech.
“Ne do të kemi vaksina të mjaftueshme për të gjithë në Gjermani”, tha Merkel, duke shtuar se brenda disa muajsh, autoritetet “do të jenë në gjendje të ofrojnë një vaksinim për këdo që e dëshiron atë”.
