Kancelarja gjermane, Angela Merkel sfidoi sërish sot presidentin amerikan, Donald Trump, pak ditë para samitit të G20-s në Gjermani, i cili është parashikuar të zhvillohet nën tensione.
Merkel kritikoi qasjen e tij protektive dhe tërheqjen nga marrëveshja për klimën.
Në një deklaratë në Bundestag për objektivat e këtij takimi të drejtuesve kryesorë të planetit, që do të zhvillohet javën e ardhshme në Hamburg, kancelarja gjermane është rezervuar të citojë emrin e presidentit amerikan.
Por gjithsesi është kuptuar qartë shënjestra e saj.
“Asnjë nga sfidat e mëdha ndërkombëtare nuk njeh kufij, për këtë arsye, sot, më shumë se kurrë, ata që besojnë se mund të zgjidhin problemet e botës nëpërmjet proteksionizmit dhe izolacionizmit bëjnë një gabim të madh”, theksoi ajo.
Marrëdhëniet mes Gjermani-SHBA, shumë të mira në epokën e Barack Obamës, janë tendosur që kur pasardhësi i tij në Shtëpinë e Bardhë njoftoi tërheqjen e vendit të tij nga Marrëveshja për Klimën dhe mbajtjes së një fjalimi protektiv sa i përket tregtisë mes dy vendeve.
