Calciomercato.it
Një kapitull tjetër i telenovelës Dusan Vlahovic. Serbi mbylli një sezon të shkëlqyer i cili i ka dhënë atij interesimin e shumë klubeve italiane dhe të huaja. Rreziku për Fiorentinën është ta humbasë atë në një shifër të ulët në raport me vlerën e tij, por sulmuesi i ri nuk ngutet dhe i është mirënjohës klubit vjollcë. Juventusi dhe Milani në Serie A, përveç Romës, janë klubet që e ndjekin lojtarin prej ca kohësh. Fiorentina shpreson të arrijë rinovimin, ndoshta me përfshirjen e një klauzole shumë të lartë.
Drejtori i përgjithshëm i Fiorentinës, Joe Barone, foli për të ardhmen e Vlahoviç në ‘TGR Toscana’: “Dusan është një lojtar i Fiorentinës, ai është shumë i rëndësishëm. Ne komunikojmë çdo ditë dhe shpresojmë të arrijmë një marrëveshje sa më shpejt të jetë e mundur ”. Krahu i djathtë i presidentit Commisso gjithashtu u përqendrua në çështjen e tifozëve: “Fjalimi i ultrasve ishte i drejtpërdrejtë, ne e dimë se po fillojmë nga e para. Ne kemi një teknik të ri dhe një sistem të ri loje: duhet të bëjmë mirë. Ai fjalim ishte i rëndësishëm për të gjithë, madje edhe për stafin. Le të luajmë për tifozët e ‘Violës’.
