Media kolumbiane El.Heraldo, i ka kushtuar një artikull shqiptari Agim Çermja, i njohur ndryshe si ”Jimy”, dhe konsiderohet si ”zoti shqiptar i drogës”. Ai kishte mbërritur në Kolumbi në vitin 2014 së bashku me bashkëshorten e tij, dhe u vendosën në qytetin Barranquilla nga ky filloi aktivitetin kriminal.
Edhe pse prodhonte 2 miliardë dollarë në muaj për kartelin ballkanik, shqiptari ishte siguruar mos binte në sy, duke mos përdorur as makinë apo cellular, jetonte në shtëpi me qira dhe përdorte gjithmonë mjete të transportit publik. Madje, ai pretendonte se ishte inxhinier civil.
Ai zgjodhi të jetonte afër porteve kryesore pasi e kishte më të lehtë trafikimi i kokainës në SHBA apo shtetet europiane. Nga ana tjetër ai kishte zgjedhur të përdorte aeroportin ndërkombëtar ‘’Alfonso Bonilla Aragón’’ dhe së bashku me disa zyrtarë të tjerë aty mundësohej transporti i kokainës me charter.
Dërgesat ishin gjithnjë e më shumë, dhe me këtë Cerma gjithashtu duhej të mendonte se si paratë nga droga do të hynin në Kolumbi. Hetimet zbuluan se këto të ardhura u dhanë përmes ndërmjetësve financiarë, të njohur si ‘ndërmjetës’, domethënë nga palë të treta.
Ai bashkëpunoi edhe me kartela vendase, teksa njerëzit e tij të besuar ishin Ëilliam Cruz Pérez , Pedro Antonio Penagos Londoño, Jairo Fernando Cardona López dhe Edëin Durlandy Montilla González.
Një natë para arrestimit, Jimy kishte fjetur në një hotel modest dhe kishte zgjedhur përsëri transport publik. Çerma ishte shpallur në kërkim për vrasje në Shqipëri, ndërsa në Shtetet e Bashkuara të Amerikës ai ishte shpallur në kërkim ndërkombëtar për trafik të lëndëve narkotike.
