Kryeministri Edi Rama fillon “merkaton” e blerjeve të kundërshtarëve politikë. Rasti më i fundit është i Lefter Maliqit, i cili deri në vitin 2017 ishte deputet i Partisë Demokratike në qarkun e Beratit, por tashmë ai është emëruar në postin e zëvendësdrejtorit të Përgjithshëm të Burgjeve.
Ish-deputeti i Partisë Demokratike, ishte pothuajse i vetmi kandidat që shfaqi shenja gëzimi për humbjen e partisë së tij në zgjedhjet vendore të 25 qershorit.
Në një intervistë të dhënë në atë kohë për “Top-Channel”, Maliqi është shprehur se ishte mjaft i zhgënjyer nga Basha, pasi ky i fundit i kishte premtuar vendin e parë në listën e Beratit.
“Takova Bashën dhe i thashë ‘zgjidh, o numrin dy, o pazaret’. Më ke zhgënjyer totalisht, njerëzit nuk të besojnë më dhe nuk të votojnë më’. Më tha, vendin e parë e ka Eduart Halimi sepse ishte ministër dhe unë thjesht një deputet”-tha ai.
Gjithashtu teksa ka folur në këtë intervistë ka shtuar edhe faktin se përse zgjodhi të mbështesë kryeministrin e tanishëm Edi Rama dhe jo Lulzim Bashën.
“Nuk e njoh Edi Ramën. Jam takuar një herë me të në 2009-ën. Unë kam kontaktuar njerëzit e mi dhe më kanë thënë ‘po erdhe i treti, ne nuk votojmë më për ty, por do të votojmë për PS’. Ata janë të gjithë socialistë, që ia dhanë votën PD për shkak të premtimeve të mbajtura nga ana ime. Unë i thashë elektoratit, ‘kudo që të vini ju, unë jam me ju”-ka theksuar është shprehur Maliqi.Tani duket se Rama e ka mbajtur premtimin ndryshe nga Basha, ndërsa tashmë e ka shpërblyer me një post të rëndësishëm si zëvendësdrejtor i Përgjithshëm i Burgjeve
