Kristiano Ronaldo është rrugës për në Torino, por qëndrimi i tij tek Juventusi nuk është aspak i sigurt. Pavarësisht sinjaleve të fundit nga menaxhmenti për vazhdimin e tij të aventurës me Juventusin, çështja mbetet ende e hapur. Portugezi mund të largohet edhe pse ndonjë ofertë e vërtetë nuk ka mbërritur ende, në ditët në vijim përsëri gjithçka mund të ndryshojë. Dhe nyja gordiane është Parisi, ajo që do të ndodhë me PSG-në.
‘Corriere dello Sport’ bën një vlerësim të situatës dhe ndalet sërish tek e ardhmja e Kylian Mbappé. Sulmuesi francez është kthyer nga pushimet dhe është paraqitur në grumbullim, por në mendjen e tij është Real Madridi. Ai nuk do të bëjë luftën për t’u larguar, por nuk ka ndërmend të rinovojë kontratën që i skadon në qershor, kështu që do të largohet tani ose në 2022-shin. Për të kuptuar se cili do të jetë vendimi që do të marrë Al-Khelaifi, i cili gjithashtu mund të përpiqet ta bindë gjatë sezonit aktual me një rinovim faraonik, ‘ala Neymar’. Në rast lamtumire të bomberit francez, emri për ta zëvendësuar atë do të ishte padyshim ai i CR7-ës.
Në atë rast, Juventusi do të kthehej me vendosmëri tek Icardi, i cili ndërkohë është propozuar nga onturazhi i Anjelit. Një shkëmbim, kushtet ekonomike të të cilit do të duhej të vlerësoheshin, do të ishte opsioni më i pranueshëm për mënyrën se si qëndrojnë gjërat në këtë moment.
