Liverpuli ka qenë i lidhur me një lëvizje për futbollistin spanjoll Saul Niguez gjatë gjithë këtij muaji dhe duket se gjigantët e Premier Ligës tani kanë paraqitur një ofertë konkrete për 26-vjeçarin.
Sipas raporteve nga ‘Sport’, Liverpuli ka ofruar rreth 34.5 milion paund për mesfushorin, por Atletiko Madrid nuk është i bindur. Raportimi gjithashtu thotë se Liverpuli mund ta sheqerosë marrëveshjen duke ofruar lojtarë si Xherdan Shaqiri apo Jordan Henderson. Shaqiri ka luftuar rregullisht për një vend titullari në Anfield por duket se kosovari duhet të largohet nga klubi për të luajtur rregullisht.
Ndërkohë, është raportuar se e ardhmja afatgjatë e Hendersonit në klub është në dyshim pasi të dy palët nuk arritën të bien dakord për një zgjatje të kontratës. Kapiteni i Liverpulit ka një kontratë me ‘Redsat’ deri në verën e 2023-shit.
Sa i përket Saulit, lojtari ishte gjithashtu i lidhur me Barcelonën dhe mund të kalonte gjatë kësaj vere. Futbollisti i kombëtares spanjolle nuk është më një lojtar kryesor për ekipin e Diego Simeones dhe një lëvizje drejt Anfieldit mund ta ndihmojë që të rifillojë karrierën e tij.
Liverpulit i duhet një zëvendësim cilësor për Gini Wijnaldumin dhe spanjolli 26-vjeçar sigurisht i përshtatet profilit. Saul mund të luajë në mesfushë dhe role mbrojtëse të shumta si Wijnaldumi.
