Ole Gunnar Solskjaer duket i fiksuar të nënshkruajë një mbrojtës qendror këtë verë dhe ka identifikuar francezin si objektivin e tij kryesor. Sipas Manchester Evening News, ekziston optimizëm në kampin e ‘Djajve të Kuq’ që një marrëveshje për 28-vjeçarin mund të kurorëzohet deri në fund të muajit, para fillimit të sezonit të ri të Premier Ligës.
Tarifa e transferimit nuk pritet të jetë një pengesë midis dy klubeve, me Junajtid që do të paguajë rreth 50 milion paund. Varane aktualisht është me pushime me familjen e tij, pas pjesëmarrjes me Francën në Euro 2020, megjithëse nëse përfundon një marrëveshje për t’u bashkuar me Mançesterin, atëherë ai do të fluturonte direkt e në Mançester dhe nuk do të kthehej fare në Madrid.
Reali po kërkon të shesë Varanen këtë verë pasi ky i fundit ka vetëm një vit në kontratë dhe nuk ka pasur asnjë indikacion që sugjeron që mbrojtësi dëshiron të zgjasë marrëveshjen e tij me klubin spanjoll. Varane ka kaluar 10 vjet në Santiago Bernabeu, duke regjistruar 360 paraqitje dhe duke fituar 18 trofe, përfshirë katër tituj të Ligës së Kampionëve.
