• Paris Saint-Germain “do të mbledhë deri në 50 milion paund për blerjen e Paul Pogba-së”
Paris Saint-Germain thuhet se po kërkon të nënshkruajë me mesfushorin e Manchester United Paul Pogba, në merkaton e kësaj vere.
Sipas Daily Mirror, PSG shpreson të arrijë deri në 50 milion nga shitjet e disa lojtarëve, të cilat më pas mund t’i përdorin për të blerë Pogbanë, të cilin ata e dëshirojnë ta kenë në ekipin e ëndërrave që po krijojnë.
• Raportimi: Manchester City pretendent për të nënshkruar me Cristiano Ronaldon
Manchester City thuhet se po konsideron një lëvizje të bujshme për sulmuesin e Juventusit Cristiano Ronaldo në kërkimin e tyre për të gjetur një zëvëndësues për Sergio Agueron.
Sajti italian Calciomercato.it sugjeron që kampionët e Premier League-s tani do të kërkojnë blerjen e Ronaldos, i cili më parë ka kaluar gjashtë vjet me rivalët e tyre, djajtë e Manchester United.
• Çelsi teston durimin e Borussia Dortmundit me ofertën 135 milion paund për Haalandin.
Çelsi thuhet se është gati të provojë vendosmërinë e Borussia Dortmundit duke bërë një ofertë të madhe prej 135 milion paundësh për synimin e tyre kryesor Erling Haalandin.
Çelsi thuhet se është gati të përputhet me vlerësimin e klubit të Bundesligës, teksa është ish sulmuesi norvegjez Jan Aage Fjortoft që thotë se një ofertë me nëntë shifra do të niset së shpejti.
” Çelsi e ka atë qëllimin e tyre kryesor,” tha Fjortoft për ESPN. “Ata do të dëshironin të testonin Dortmund me një ofertë marramendëse.
“Një ofertë e zbukuruar do të jetë rreth 150 milion euro – dyfishi i asaj që ata mund të marrin për të verën e ardhshme.”
• Manchester United “dëshiron dy emra të mëdhenj pas Jadon Sanchos”
Manchester United thuhet se po kërkon të sjellë dy nënshkrime të tjera me emra të mëdhenj pas përfundimit të një marrëveshjeje me Jadon Sanchon.
Raphael Varane besohet të jetë një nga ata që është shënjestruar nga skuadra e Ole Gunnar Solskjaer ndërsa qendërmbrojtësi po përpiqet të largohet nga Real Madridi.
Mbrojtësi i Atletico Madridit, Kieran Trippier dhe mesfushori i Rennes, Eduardo Camavinga gjithashtu janë lidhur në javët e fundit me të kuqtë.
Sipas Manchester Evening News, United ka besim se do të sjellë të paktën një nga të dy për t’u bashkuar me Sanchon dhe Varanen në skuadrën e tyre për sezonin 2021-22.
• Barcelona “i ofron Griezmannin Manchester United-it”
Manchester United raportohet se është klubi më i fundit që Barcelona i ka ofruar sulmuesin Antoine Griezmann këtë verë.
Sulmuesi, besohet gjithashtu, se u është ofruar më parë klubeve të tjera të Premier League-s, përfshirë këtu Manchester City dhe Chelsea, dhe Daily Mirror raporton se United është skuadra e fundit me të cilën Barcelona ka qenë në kontakt. Laporta po provon të sjellë në ‘terezi’ financat e klubit dhe përveç përgjysmimit të rrogave ai tani do me çdo kusht të shesë Antoine-n.
• Everton hyn në garën për të nënshkruar me Jesse Lingard të Manchester United?
Sipas një raportimi, Evertoni është në garë për të nënshkruar me Jesse Lingard nga Manchester United.
Lingard ringjalli karrierën e tij gjatë një periudhe huazimi me West Ham United në gjysmën e dytë të 2020-21, duke shënuar dhe asistuar në total 13 gola+asiste në 16 ndeshje./TIRANA TODAY SPORT
