Dortmundi është i vendosur ta mbajë yllin e vet, Erling Haaland edhe për të paktën një sezon tjetër. Sipas ‘Sky Germany’, Çelsit i është refuzuar oferta e parë për Erling Haalandin nga verdhezinjtë e Borussia Dortmundit.
Blutë e Londrës kanë tentuar të përfshijnë Tammy Abrahamin ose Callum Hudson-Odoin në një marrëveshje të pjesshme shkëmbimi, por ‘grerëzat’ janë të vendosur të ruajnë shërbimet e një aseti të vlefshëm për të paktën një vit tjetër, ku do t’i duhet të rikthehen në luftë me Bajernin për vendin e parë pasi po shihet se kohët kur Dortmundi fitonte trofe po largohen gjithnjë e më shumë.
Haaland është shfaqur si një objektiv i vështirë por jo i pamundur për Çelsin teksa këta të fundit kërkojnë të shtojnë më shumë gryka zjarri në radhët e tyre përpara sfidës për titullin e Premier Ligës 2021-22.
