Xhavit Dedej është një këngëtar i njohur dhe muzika ku identifikohet më shumë është ajo popullore e Shqipërisë së Mesme. I ftuar mbrëmjen e kaluar në emisionin “Soirée”, Dedej ka folur për të ardhurat që merr nga muzika.
Shumica e njerëzve krijojnë përshtypjen se shuma që fitojnë këngëtarët nëpër koncerte dhe në ambientet ku ftohen për të kënduar është goxha e lartë. Por, Dedej na tregon të kundërtën.
“Të them të drejtën fare, mendoj fundin e muajit, i paguaj dritat, s’i paguaj. Se kur ulemi ne në tavolinë, thonë ‘o ky ka qenë në dasmë, ka lekë’ edhe qerasim ne. Por kur vjen fundi i muajit ikin ato. Ne nuk jemi këngëtarë të famës, ne jemi këngëtarë që bëjmë punën, jemi këngëtarë të popullit”, tha Xhavit Dedej.
