Zonja e Parë e Shteteve të Bashkuara, Melania Trump është kthyer në Shtëpinë e Bardhë pasi i është nënshtruar një operacioni këtë javë.
Melania Trump, 48-vjeçare, iu nënshtrua të hënën një operacioni në veshkë në Qendrën Mjekësore Ushtarake Walter Reed në Uashington, transmeton Reuters.
Zëdhënësja e saj, Stephanie Grisham përmes një deklarate tha se Zonja e Parë është kthyer në Shtëpinë e Bardhë, mëngjesin e së shtunës.
“Ajo është duke pushuar dhe është në gjendje të mirë. Zyra jonë ka pranuar mijëra telefonata dhe emaile që i kanë uruar shërim të shpejt zonjës Trump dhe ne i falënderojmë të gjithë”, ka thënë ajo.
