Që një amerikan mund të mbajë armë në shtëpinë e tij, kjo është diçka më se e zakonshme. Por Mel Bernstein, i njohur me nofkën “Dragon Man” (Njeriu Dragua), ka thyer çdo limit. Ai zotëron një koleksion gjigant armësh, nga të lehtat deri tek ato ushtarake. Bernstein lindi në Nju Jork. Pas braktisjes së shkollës së mesme, u bë pjesë e ushtrisë gjatë kohës së Luftës së Vietnamit.
Në atë periudhë bëri mbi 100 tatuazhe në trupin e tij. Më pas nisi punën në një pikë të riparimit të motorëve “Harley Davidson”. Më vonë hapi një dyqan armësh. Bernstein zotëron pushkë, automatikë, 80 automjete ushtarake, një tank funksional rus të tipit T54, predha të llojeve të ndryshme, shpata mesjetare japoneze, dhe mbi 900 manekinë të veshur me uniforma ushtarake.
Mel vlerëson se koleksioni i tij i veçantë prej mbi 2500 armësh, vlen 10 milionë dollarë. Në vitin 2012 gruaja e Bernstein u vra aksidentalisht, gjatë xhirimit të një dokumentari për “Discovery Channel”. Mund të mendohet se njeriu më i armatosur në SHBA, është edhe më i sigurti në botë. Në fakt nuk është kështu. Në gushtin e vitit 2017, disa adoleshentë i grabitën njërin nga kamionët.
“Po të kisha qenë atje, do t’i kisha qëlluar në kokë”- tha i dëshpëruar Bernstein. Gjithsesi sot ai është 74 vjeç, dhe shumë gjëra nuk mund t’i mbajë dot nën kontroll./ TIRANA TODAY
