Një ngjarje e çuditshme ka ndodhur në Meksikë, por nuk konsiderohet e tillë për vendasit.
Kryebashkiaku i San Pedro Huamelula, Victor Aguilar është martuar me një krokodil në rajonin e Oaxaca.
Shkaku? Tradita shumë e vjetër sipas të cilës martesa me një krokodil u sjell fat të mirë peshkatarëve të zonës.
“Me këtë ritual kërkojmë një prodhim të mirë, për detin dhe lagunat që të na japin ushqimin që na nevojitet dhe ne kërkojmë që gjithçka të shkojë mirë”, u shpreh kryebashkiaku i San Pedro Huamelula.
Para se të martohej, krokodilin femër e veshën me të bardha dhe i mbyllën gojën në mënyrë që të mos kafshonte njeri.
