Aktorja Megan Fox është ndarë nga bashkëshorti i saj pas 10 vitesh martesë. Ajo duket se ka reflektuar, pasi ka qenë për xhirimet e një filmi. Pas kthimit në shtëpi, i ka kërkuar bashkëshortit të saj pak hapsirë. Një kërkesë e cila është respektuar nga Brian Austin Green.
Ai e ka konfirmuar ndarjen, ndërsa ka thënë më tej se do ta dojë gjithmonë. “Doja që të gjithë ju ta dëgjoni nga unë. Ajo ka qenë gjithmonë e sinqertë me mua. Unë kam qenë gjithmonë i sinqertë me të. Ne kemi pasur një marrëdhënie të bukur. Do ta dua gjithmonë. Dhe unë e di që edhe ajo gjithmonë do të më dojë mua. Ne kemi ndërtuar një familje vërtet të veçantë”, u shpreh ai.
“Ajo më tha që kur po punonte për projektin e saj dhe ishte vetëm, i kishe pëlqyer vetja dhe sesi ajo ndihej në atë mënyrë. Mendoj që do ishte diçka me vlerë që ta provoja më tha”, ka deklaruar Brian Austin Green.
Ish-bashkëshorti i Megan Fox ka folur edhe për thashethemet se aktorja është parë nën shoqërinë e Machine Gun Kelly. Brian Austin Green tha se ata janë vetëm miq. “Unë kurrë nuk e kam takuar atë. Megan dhe unë kemi folur për të. Unë i besoj gjykimit të saj”, tha ai.
Por në fakt ata janë filmuar teksa udhëtonin bashkë. Të jetë kjo një rastësi?
Ndër të tjera Green pranoi që nuk e ka të lehtë ndarjen me të. Madje tha se “ka një gropë në stomakun e tij”, por që ai dhe Megan do të mbeten miq të ngushtë edhe pas ndarjes.
