Kryetari i Partisë Republikane, Fatmir Mediu ka folur për mediat pas takimit me kryedemokratin Lulzim Basha në selinë e PD-së.
Gjatë fjalës së tij, Mediu u shpreh se ka një mirëkuptim për të dalë me lista dhe program të përbashkët.
Mediu deklaroi se është i gatshëm që të kandidojë kudo në zgjedhjet parlamentare të 25 prillit.
Fatmir Mediu: “Kemi mirëkuptimin për të dalë me lista dhe program të përbashkët. Konkurrimi duhet të përfshijë njerëz që të maksimalizohet vota e opozitës. Në analizë se ku janë zonat dhe se ku do të jetë, është pjesë e diskutimit. E kam thënë, jam i gatshëm që të kandidojë kudo. S’kemi folur për këtë gjë, por për PR që ka peshë në votën elektorale. Nuk ka mandate PR në lista, por ka kontribute dhe konkurrime. S’ka vende të sigurta. S’mund të ketë vende të sigurta për kërkënd. PR ka peshën e saj elektorale. Ato vota duhet të jenë pozitive për mandate.”
Ditën e sotme Basha arriti edhe marrëveshjen me kreun e PDIU, Shpëtim Idrizi, i cili do të kandidojë nën logon e PD.
