Fatmir Mediu, Vangjel Dule, Nard Ndoka dhe Dashamir Shehi mbajtën një takim sot me ambasadorin e BE-së në Tiranë, Luigi Soreca.
Në një deklaratë për mediat, kreu i PR-së, Fatmir Mediu u shpreh se Soreca është pro dialogut, ndërsa shtoi se do ti bëjnë thirrje presidentit Ilir Meta, të thërrasë një tryezë pozitë-opozitë për zgjidhjen e ngërçit politik në vend.
Takimi i tyre me Sorecën vjen pas firmosjes së marrëveshjes me dhjetë pika me Partinë Demokratike, për të mos lejuar që në vend të mbahen zgjedhje farsë.
